Centro Comercial Aberto do Porriño MOREA | Asociación de Comerciantes e Industriais do Porriño ACIPOR

Campañas de dinamización

MOREA

Manter vivo o comercio local no Porriño é o noso obxectivo

MOREA | ACIPOR

Actividades

Ao longo do ano Morea pon en marcha diversas campañas de dinamización do comercio local do Porriño. Así mesmo participa na organización e coordinación de importantes eventos.

Merca na rúa

Feira de oportunidades na zona peonil do centro da vila do Porriño. Os comercios participantes sacan á rúa as súas mellores ofertas en stock para liquidar os restos das tempadas con grandes descontos para os clientes. Levamos organizadas máis de 20 edicións, con dúas feiras de oportunidades ao ano.

Día do Pai

Campaña de dinamización a través do punto de venta e de redes sociais onde se premia a compra destinada a celebrar co comercio local do Porriño o 19 de marzo a través de sorteos de cheques de compra para os clientes.

Día da Nai

Campaña de dinamización a través do punto de venta e de redes sociais onde se premia a compra local nesta data, moi significativa para o comercio local, con sorteos de cheques de compra para os clientes.

Actividades formativas

Ao longo do ano ponse en marcha cursos, conferencias e xornadas informativas onde a nosa asociación participa co fin de estar ao día da actualidade do pequeno comercio e poder axudar aos socios na incorporación das novas tecnoloxías, hábitos de consumo e canles de distribución entre outros temas de interese.

Feira do Pan do Porriño

Ten como obxectivo promover unha das tradicións artesanais máis importantes de Galicia, pois o pan do Porriño leva elaborándose dende 1600. Durante unha fin de semana as panadarías da vila venden os seus produtos nos stands situados no barrio de San Benito, xunto con maridaxes, show cookings, obradoiros para crianzas, brunchs, o Certame de Empanadas, carpas para xantar, música e, sobre todo, a tradición e os produtos das nosas panaderías artesáns.

Pinchorriño

Evento gastronómico anual onde todos os fins de semana de novembro recibes un pincho de balde nos establecementos participantes. Dende novembro de 2007.

Festa dos Callos do Porriño

Certame gastronómico onde os establecementos hostaleiros asociados ofrecen racións deste prato típico do Porriño baixo un prezo unificado. Celébrase ao carón das Festas do Cristo e é unha ruta por bares e restaurantes con grande éxito de participación.

Nadal no Porriño

Campaña de dinamización a través do punto de venta e de redes sociais onde se premia a compra local con sorteos de cheques de compra para os clientes por valor de 4000 euros en premios.

MOREA É UNHA ASOCIACIÓN

Unha asociación que se move e fai.

Teléfono

986 33 40 00

Enderezo

Praza do Concello, 4 – 2A. 36400 – O Porriño

Infórmate sen compromiso